Raza Musani 
تہران : اربعین کیلئے عراق جانے والے ایرانی زائرین کا مختلف بارڈر پر اژدہام جمع ہوگیا. اعدادوشمار کے مطابق 8 ستمبر کی دوپہر تک ڈیڑھ لاکھ زائرین مہران بارڈر پہنچ چکے تھے اور رات تک ان کی تعداد 2 لاکھ تک پہنچ جائے گی۔ ہر روز ان کی تعداد میں اضافہ ہورہا ہے۔ مہران بارڈر پر بے پناہ رش کی وجہ سے زائرین کو شلمچہ و چذابہ بارڈرز بھیجا جارہا ہے کیونکہ خسروی بارڈر پر پہلے ہی کافی رش ہے اور عراق کی طرف سے اس بارڈر کو بار بار عارضی طور پر بند کردیا جاتا ہے۔ رپورٹ کے مطابق حکومت ایران نے ایام اربعین کیلئے اسپیشل ٹرینوں کے علاوہ 8000 بسوں کا فلیٹ صرف بارڈرز کیلئے مخصوص کیا ہے۔جبکہ زائرین پرائیویٹ گاڑیوں، ٹیکسیوں، وینوں اور دیگر بسوں میں بھی پہنچ رہے ہیں جس کی وجہ سے ٹرانسپورٹ کی قلت ہوگئی ہے۔ عراقی سائیڈ پر اس سے زیادہ مشکل صورتحال کا سامنا ہے۔
