ٹیکس کی رقم نہ ملی تو فلسطینی ادارے کمزور ہوجائیں گے، وزیر خارجہ

رام اللہ: فلسطینی وزیر خارجہ ورسین اگاپیکیان شاہین نے کہا ہے کہ اسرائیل کی جانب سے ٹیکس کی وصولیوں کو روکنے سے فلسطینی اتھارٹی کے اداروں کے منہدم ہونے کا خطرہ ہے۔ فلسطینی وزیر خارجہ نے کہا کہ دو ہزار انیس سے اسرائیل فلسطینی اتھارٹی کے لیے جمع شدہ ٹیکس کے کچھ حصے مختلف بہانوں سے روک رہا ہے۔ جو فلسطینی تخمینوں کے مطابق تقریباً 3 ارب ڈالر بنتے ہیں۔ وزیر خارجہ نے خبردار کیا کہ ٹیکس کی غیر ادائیگی صحت، تعلیم اور سکیورٹی خدمات میں خلل ڈالے گی اور فلسطینی اتھارٹی کے ڈھانچے کو کمزور کرے گی۔ انہوں نے بین الاقوامی برادری پر زور دیا کہ وہ فوری اقدامات کرے تاکہ فلسطینی اتھارٹی کی حمایت کی جا سکے اور مغربی کنارے اور غزہ میں صورتحال مزید خراب نہ ہو۔