پاکستانی اور امریکی وزرائے خارجہ کی واشنگٹن میں اہم ملاقات

واشنگٹن: پاکستان کے وزیرخارجہ اسحاق ڈار اور امریکی منصب مارک روبیو نے دوطرفہ تعلقات کے فروغ کےلیے مل کر کام کرنے کے عزم کا اعادہ کیا ہے۔ اسحاق ڈار نے امریکی ہم منصب مارکو روبیو سے واشنگٹن ڈی سی میں اہم ملاقات کی، جس میں تجارتی و اقتصادی روابط کے فروغ، سرمایہ کاری، زراعت سمیت اہم شعبہ جات میں تعاون پر بھی تبادلہ خیال کیا گیا۔ پاکستانی وزیرخارجہ اسحاق ڈار نے عالمی امن کے فروغ کے حوالےسے صدر ڈونلڈ ٹرمپ اور امریکی قیادت کی کوششوں کو خراجِ تحسین پیش کیا اور کہا کہ حالیہ پاک- انڈیا کشیدگی کے حوالے سے ٹرمپ کا کردار اور کاوشیں لائق تحسین ہیں، پاکستان اور امریکا دوطرفہ تعلقات میں مزید وسعت اور استحکام کے خواہاں ہیں۔
امریکی وزیرِ خارجہ مارکو روبیو نے دہشت گردی کے خلاف جنگ میں پاکستان کی قربانیوں کا اعتراف کرتے ہوئےکہا کہ عالمی و علاقائی امن کے حوالے سے پاکستان نے ہمیشہ مثبت کردار ادا کیا ہے۔