غزہ میں قحط پر کنٹرول کا موقع تیزی سے تحلیل ہو رہا ہے، اقوام متحدہ

جنیوا : اقوام متحدہ نے خبردار کیا ہے کہ غزہ میں قحط کو روکنے کا بہت کم موقع رہ گیا ہے یہ بھی جلد ختم ہوجائے گا۔ اقوام متحدہ کے انڈر سیکریٹری ٹام فلیچر نے کہا کہ غزہ میں قحط پر کنٹرول کیلئے مواقع کی ایک چھوٹی سی کھڑکی کھلی ہے لیکن یہ موقع بھی تیزی سے تحلیل ہو رہا ہے۔ فلیچر نے ایک بیان میں کہا کہ فلسطینی شہریوں کی موت، تباہی، فاقہ کشی اور بے گھر ہونا بین الاقوامی قانون کی خلاف ورزی اور عالمی برادری کو نظر انداز کرنے کے انتخاب کا نتیجہ ہے۔ انہوں نےکہاکہ ہم اصرار کرتے رہتے ہیں کہ اس ہولناکی کو روکا جا سکتا ہے۔ ٹام فلیچر نے بلا روک ٹوک انسانی رسائی، شہریوں کے تحفظ اور بین الاقوامی عدالت انصاف کے عارضی اقدامات کے نفاذ پر زور دیا۔