آپریشن وعدہ صادق عالم اسلام کی طاقت کی علامت ہے، جنرل قاآنی

تہران: ایران کی قدس بریگیڈ کے کمانڈر جنرل اسماعیل قاآنی نے اسرائیل کے خلاف آپریشن وعدہ صادق کو عالم اسلام کی طاقت کی علامت قرار دیا ہے۔ صیہونی میزائلی حملے میں شہید جنرل محمد ہادی حاجی رحیمی کی مجلس ترحیم سے خطاب میں جنرل قاآنی نے کہا کہ وعدہ صادق کے مقابلے میں صرف اسرائیل نہیں بلکہ امریکہ اور پورے نیٹو نے صف بندی کی تھی۔
انہوں نے کہا کہ تمام تر صف بندی کے باوجود اسلامی انقلاب کے میزائل اور ڈرون طیارے ایران سے لانچ ہوئے اور پوری دنیا نے براہ راست اس کا مشاہدہ کیا۔ قدس بریگيڈ کے کمانڈر نے کہا کہ آپریشن وعدہ صادق استقامتی محاذ کی طاقت تھی جس کا تعلق کرہ ارض کے تمام مسلمانوں سے ہے۔