Raza Musani 
کابل: اسلامی تعاون تنظیم کےعلما اور مفکرین نے طالبان حکام پر خواتین پر تعلیم اور ملازمت کی پابندیاں ختم کرنے پر زور دیا ہے۔اسلامی تعاون تنظیم کے علماء اور مفکرین نے کابل میں نائب وزیراعظم مولوی عبدالکبیر سے ملاقات کی اور واضح کیا کہ عالم اسلام افغانستان میں استحکام چاہتا ہے۔ وفد نے مشورہ دیا کہ طالبان حکام لڑکیوں کی تعلیم اور ملازمت کے حوالے سے اسلامی دنیا کے تجربے سے استفادہ حاصل کریں۔ افغان نائب وزیراعظم نے ایک بار پھر دنیا کے ساتھ طالبان حکومت کے مثبت روابط پر زور دیا۔ او آئی سی کا کہنا ہےکہ وفد کے دورہ کابل کا مقصد رکن ممالک کے تحفظات طالبان حکام اور علمائے کرام سے شیئر کرنا ہے۔ وفد نے کابل میں او آئی سی کے سفیروں اور نمائندوں کے ساتھ مشاورتی اجلاس منعقد کیا۔ اور رکن ممالک اور طالبان حکام کے درمیان تعلقات، شراکت داری اور رابطہ کاری کو مضبوط بنانے کے لیے سفیروں کی کوششوں کو سراہا۔
