غزہ پر حکومت کے خواہاں نہیں، ٹیکنوکریٹ انتظام پر متفق ہیں، حماس

غزہ : حماس نے کہا ہے کہ وہ غزہ میں حکومت نہیں کرنا چاہتے اور ٹیکنوکریٹک انتظام کی حمایت کرتے ہیں۔
حماس کے ایک عہدے دار نے العربیہ نیوز نیٹ ورک کو بتایا کہ ان کی تنظیم نے غزہ میں مجوزہ انتظامیہ میں شامل ناموں پر اتفاق کرلیا ہے جبکہ اسرائیل ممکنہ سیٹ اپ پر عمل درآمد میں رکاوٹیں ڈال رہا ہے۔
حماس رہنما کا بین الاقوامی افواج کی تعیناتی کے حوالے سے کہنا تھا کہ اس فوج کا کردار صرف جنگ بندی کی نگرانی تک محدود رکھا گیا ہے اس کا غزہ کے انتظامی امور سے کوئی لینا دینا نہیں ہوگا انہوں نے کہا ثالث ملک بھی اس امر کی حمایت کرتے ہیں کہ بین الاقوامی استحکام فورس مانیٹرنگ کی حد تک ہوگی اور اس کی تعیناتی جنگ بندی سے متعلق امور کے لیے ہوگی۔