Raza Musani 
ماسکو: شمالی کوریا کے رہنما کِم جونگ اُن روس کا چھ روزہ کامیاب دورہ مکمل کرکے واپس روانہ ہوگئے۔ کم جونگ اُن اپنی بکتر بند ٹرین کے ذریعے روس سے روانہ ہوئے۔ اس سے پہلے انہوں نے روسی وزیر دفاع سے ملاقات کی، جہاں انہوں نے ہائپر سونک میزائل سسٹم سمیت جدید ترین ہتھیاروں کا معائنہ کیا۔ انہیں علاقائی گورنر نے 5 دھماکہ خیز ڈرون، ایک جاسوسی ڈرون اور ایک بلٹ پروف جیکٹ تحفے میں دی۔ دورے کے متعلق کہا گیا تھا کہ روس یوکرین میں لڑائی جاری رکھنےکےلیے شمالی کوریا سے گولہ بارود خریدنے میں دلچسپی رکھتا ہے جبکہ پیانگ یانگ اپنے میزائل پروگرام میں روس کی مدد کا خواہاں ہے۔ تاہم کریملن نے کہا ہے کہ کسی معاہدے پر دستخط نہیں ہوئے اور نہ ہوں گے۔
