Raza Musani 
ابوجا: نائجیریا میں مسجد کے اندر فائرنگ سے سات نمازی شہید اور دس زخمی ہوگئے۔ واقعہ مغربی ریاست کدونا کے دور دراز کے گاؤں سایا کی مسجد میں پیش آیا۔ مسلح افراد نے اس وقت مسجد میں گھس کر گولیاں چلائیں جب نمازی عبادت میں مصروف تھے۔ ملزمان نے پوری کارروائی اطمینان سے کی اور فرار ہوگئے۔ زخمیوں کو قریبی اسپتال منتقل کردیا جہاں دو نمازیوں کی حالت نازک ہے جس کی وجہ سے جاں بحق افراد کی تعداد میں اضافے کا خدشہ ظاہر کیا جا رہا ہے۔ کدونا پولیس کے ترجمان منصور ہارونہ نے بتایا کہ حملہ آوروں کی تلاش جاری ہے تاحال کسی شدت پسند جماعت نے حملے کی ذمہ داری قبول نہیں کی۔ مسلح افراد کے گروہوں نے گزشتہ تین سال سے شمال مغرب میں تباہی مچارکھی ہے۔ مسلح گروہوں نے ہزاروں افراد کو اغوا کرکے تاوان لیا اور عدم ادائیگی پر درجنوں کو قتل بھی کیا گیا۔
