لبنان میں فساد کی نئی لہر،اسرائیل ذمہ دار قرار

اسرائیل غرب الاردن منصوبے کو عمل جامہ پہنانا چاہتا ہے،لبنانی وزیراعظم
بیروت (نیوزڈیسک) لبنان میں ایک بار پھر ہنگامے پھوٹ پڑے ، وزیر اعظم حسّان دیّاب نے فساد کی نئی لہر کا ذمہ دار اسرائیل کو قرار دیا ہے ،انہوں نے کہا کہ صہیونی حکومت لبنان میں شرانگیزی اور فتنہ و فساد کے درپے ہے اور اسکی آڑ میں وہ غرب اردن کے علاقوں کو مقبوضہ علاقوں میں شامل کرنے کے اپنے منصوبے کو عملی جامہ پہنانا چاہتی ہے،حسّان دیّاب کا کہنا تھا کہ امریکا لبنان کے خلاف اپنی اقتصادی پابندیوں اور صہیونی ٹولے کی مدد سے ملک کی بعض سیاسی جماعتوں کو ورغلا کر حکومتی منصوبوں کو ناکام بنانے کی کوشش کر رہا ہے،لبنان میں فساد کی تازہ لہر پر فوج اور سیکیورٹی فورسز کی مدد سے قابو پا لیا گیاہے۔