Raza Musani 
تل ابیب: اسرائیلی میڈیا نے انکشاف کیاہے کہ وزیراعظم نیتن یاہو نے غزہ پر مکمل قبضے کا منصوبہ بنالیا ہے۔ اسرائیلی چینل بارہ۔ یروشلم پوسٹ اور وائی نیٹ سمیت مختلف اسرائیلی نیوز چینلز اور اخبارات نے غزہ پر قبضے کے منصوبے پر رپورٹس دی ہے۔
میڈیا رپورٹس میں بتایا گیاہے کہ منصوبے کے تحت اسرائیلی فوج پوری پٹی میں اپنی کارروائیوں کو وسعت دے گی، بشمول وہ علاقے جہاں حماس نے اسرائیلی یرغمالیوں کو قید میں رکھا ہوا ہے۔ ایک نامعلوم سینئر اہلکار نے بتایا کہ غزہ پر قبضے کا فیصلہ ہوچکا ہے کیونکہ حماس مکمل ہتھیار ڈالے بغیر مزید یرغمالیوں کو رہا نہیں کرے گی اور ہم بھی سرینڈر نہیں کریں گے۔ اسرائیلی عہدیدار نے کہا کہ اگر ہم نے ابھی کارروائی نہیں کی تو یرغمالی بھوک سے مر جائیں گے اور غزہ حماس کے کنٹرول میں رہے گا۔
