Raza Musani 
لاہور :شیعہ علماءکونسل شمالی پنجاب کے صدر علامہ سید سبطین حیدر سبزواری نے کہا ہے کہ جمعرات کو ہونے والی عزاداری کانفرنس ملت اسلامیہ کے اتحاد کا مظہر ، اسلام اور اہل بیتؑ کے دشمنوں کے لیے تیر بہ ہدف ثابت ہوگی ملت اسلامیہ کے اتحاد کے لئے علما، واعظین اور ذاکرین کانفرنس میں بھرپور شرکت کریں ۔ ایک بیان میں انہوں نے کہا کہ علامہ سید ساجد علی نقوی، وفاق المدارس الشیعہ پاکستان کے صدرعلامہ حافظ سیدریاض حسین نجفی ،اورمفسر قرآن شیخ محسن علی نجفی کی میزبانی میں عزاداری کانفرنس بروقت اقدام ہے۔ انشاءاللہ دشمنان اہل بیت کو شیعہ کے خلاف ہونے والی سازشوں پر سخت پیغام دیں گے اور ریاست پر واضح کریں گے کہ پرامن جدوجہد کے ذریعے پہلے بھی حقوق کا تحفظ کیا اب بھی کریں گے حکومت نیشنل ایکشن پلان اور پیغام پاکستان پر عملدرآمد بھول گئی ہے دہشت گردوں کو کھلی چھٹی دی گئی ہے ملک فرقہ واریت کا متحمل نہیں ہوسکتا لیکن ہمیں دیوار سے لگانے کی کوشش کی گئی تو انہیں مایوسی ہوگی ہماری تاریخ شہادتوں سے عبارت ہے، ہمیں کوئی دبا نہیں سکا۔
