Raza Musani 
جنیوا : آکسفیم سمیت 80 سے زائد این جی اوز نے مقبوضہ فلسطینی علاقوں میں صیہونی بستیوں کے ساتھ تجارتی تعلقات اور سرمایہ کاری ختم کرنے کا مطالبہ کردیا۔
این جی او ز نے غیر قانونی بستیوں کے ساتھ تجارت، غیر ملکی ریاستیں اور کمپنیاں اسرائیل کو اپنی غیر قانونی آباد کاری کی پالیسی پر عمل درآمد کرنے کے قابل کیسے بناتی ہیں؟ کے عنوان سے مشترکہ رپورٹ جاری کی ہے۔
رپورٹ میں متعدد یورپی کمپنیوں کی نشاندہی کی گئی ہے جو اسرائیل میں اپنی مصنوعات بیچ کر صیہونی بستیوں کی معیشت کو سہارا دینے میں اپنا حصہ ڈالتی ہیں۔ رپورٹ میں اس بات پر زور دیا گیا ہےکہ آبادکاری سے متعلق سرگرمیوں میں غیر ملکی کمپنیوں اور اداروں کی مسلسل شمولیت طویل مدتی اسرائیلی قبضے کے نتیجے میں پیدا ہونے والے انسانی بحران کو بڑھا رہی ہے۔ تنظیموں نے ریاستوں، خاص طور پر یورپی یونین کے اراکین اور برطانیہ سے مطالبہ کیا ہے کہ وہ بستیوں سے متعلق کسی بھی تجارتی یا سرمایہ کاری کی سرگرمیوں پر واضح پابندی عائد کریں.
