Raza Musani 
تل ابیب : اسرائیل اور لبنان نے تاریخی سمندری سرحدی معاہدے کی منظوری دے دی۔ لبنانی صدر میشل عون نے بعبدہ میں واقع اپنے محل میں امریکی ثالث اموس ہوچسٹین کی موجودگی میں معاہدے پر دستخط کیے۔ امریکی ثالثی میں کئے گئے معاہدے کے تحت دونوں ممالک کیلئے منافع بخش آف شور گیس نکالنے کی راہ ہموار ہوجائے گی۔ اسرائیلی وزیر اعظم کے دفتر سے جاری بیان میں کہا گیا ہے کہ لبنان کے ساتھ امریکی ثالثی کے ذریعے تاریخی سمندری سرحدی معاہدے کی منظوری دے دی ہے۔ امریکی ثالث کا کہنا ہے کہ امریکا، اسرائیل اور لبنان کے سمندری حدود کے تعین کے معاہدے کا ضمانتی ہے، کسی ایک فریق کی معاہدے کی خلاف ورزی سے معاہد ہ ختم ہو جائے گا۔ لبنان کو امید ہے کہ اسے آف شور گیس کی تلاش کی اجازت ملنے سے معاشی بحران پر قابو پانے میں مدد ملے گی۔
