Raza Musani 
لندن : لندن میں ایرانی حکومت کیخلاف مظاہرے کے دوران بعض شرپسندوں نے ایرانی نژاد مسلمانوں کی مسجد میں گھس کر نمازیوں پر حملہ کردیا ۔یہ واقعہ میدا ویلے کے اسلامک سینٹر میں پیش آیا جب تیس کے قریب مظاہرین کے گروپ نے دروازے پر نمازیوں کو ہراساں کیا اور کچھ نمازیوں کو گھسیٹ کر مارا پیٹا۔ مسجد میں بچوں کی موجودگی کے باوجود حملہ جاری رہا۔ عینی شاہدین کا کہنا ہے کہ مظاہرین نے ایک شخص کو زمین پر گھسیٹ کر سر پر لاتیں ماریں اور کچھ نے ممکنہ طور پر لاٹھیوں کا استعمال بھی کیا۔ حملے میں کئی نمازی زخمی ہوگئے اور اسلامک سینٹر کو بند کردیا گیا۔
مسجد میں موجود ایک نمازی نے فائیو پلرز ویب سایٹ کو بتایا کہ حملہ آوروں نے اسرائیلی اور سابق ایرانی شاہ کے دور کے جھنڈے اٹھارکھے تھے۔ انہیں سی سی ٹی وی فوٹیج میں پہچانا جاسکتا ہے۔
