کینیڈا میں چاقو برداروں کا 13 مقامات پر حملہ، 10 افراد ہلاک، 15 زخمی

اوٹاوا: کینیڈا میں چاقو سے کیے گئے حملوں میں 10 افراد ہلاک جبکہ 15 زخمی ہو گئے۔ کینیڈین پولیس کے مث یہ حملے سکیچوان صوبے کے قریبی قصبے اور ایک آبادی میں ہوئے جس کے بعد دو مشتبہ افراد کو تلاش کیا جا رہا ہے۔ پولیس نے بتایا کہ چاقو کے یہ حملے جیمز سمتھ کری نیشن اور ساسکاٹون کے شمال مشرق میں واقع ویلڈن گاؤں کے متعدد مقامات پر ہوئے۔ پولیس نے2 افراد ڈیمیئن سینڈرسن اور میلس سینڈرسن کو مشتبہ قرار دیا ہے اور کہا ہے کہ آخری اطلاعات کے مطابق یہ دونوں ایک سیاہ رنگ کی گاڑی میں سفر کر رہے تھے۔ سکیچوان پولیس کی اسسٹنٹ کمشنر رونڈا بلیک مور نے کہا کہ لگتا ہے کہ کچھ متاثرین کو مشتبہ افراد نے نشانہ بنایا ہے جبکہ دیگر پر غیر منظم حملہ کیا گیا ہے۔وہ تاحال ان واقعات کے سبب کے بارے میں نہیں بتا سکیں۔بلیک مور نے کہا کہ ’آج ہمارے صوبے میں جو کچھ ہوا ہے یہ خوفناک ہے ۔‘انہوں نے مزید کہا کہ جرائم کے 13 مقامات تھے جہاں یا تو مردہ یا پھر زخمی افراد پائے گئے۔اے پی کے مطابق یہ کینیڈا کی تاریخ کے سب سے مہلک قتل عام کے واقعات میں سے ایک ہے۔