Raza Musani 
کراچی : کراچی کی پرانی نمائش چورنگی پر مذہبی تنظیموں نے ایران پر اسرائیلی جارحیت کے خلاف احتجاجی مظاہرہ کیا۔ ایران اسرائیل کشیدگی پر علمائے کرام نے شدید ردعمل ظاہر کرتے ہوئے کہا کہ یہ معرکہ حق ہے جس نے تمام اسلامی برادری کو یک جان کر دیا۔ مظاہرین نے ایرانی عوام سے اظہار یکجہتی کرتے ہوئے اقوام متحدہ اور عالمی برادری سے اسرائیلی جارحیت کا نوٹس لینے کا مطالبہ کیا۔ مظاہرین نے اسرائیل مخالف نعرے بازی کی۔ علماء نے مظاہرین سے خطاب میں کہا کہ پوری دنیا میں اسرائیل کا مکروہ چہرہ بے نقاب ہوگیا۔ اسرائیل یہ نہ سمجھے اسلامی ممالک خاموش رہیں گے۔ یہ معرکہ ایمان اور کفر کا معاملہ ہے۔ امریکہ اور اسرائیل ذلیل و رسوا ہوں گے۔
