Raza Musani 
جدہ: جدہ مذاکرات میں یوکرین کے دس نکاتی امن منصوبے کو کئی ممالک کی حمایت حاصل ہوگئی۔ سعودی عرب کی میزبانی میں ساحلی شہر جدہ میں یوکرین بحران پر مذاکرات کا سلسلہ دوسرے روز بھی جاری رہا۔ مزاکرات میں امریکا، چین اور بھارت سمیت چالیس ممالک کے سینئر حکام شریک ہیں۔ دو روزہ اجلاس میں روس اور یوکرین کے درمیان جنگ کے خاتمے کے اصول وضع کیے جائیں گے۔ مذاکرات کے دوران یوکرین نے اپنا متوقع دس نکاتی امن فارمولا پیش کیا ہے۔ جسے متعدد ممالک کی طرف سے حمایت حاصل ہوگئی۔ کوپن ہیگن مذاکرات کی نسبت جدہ میں زیادہ ممالک نے امن منصوبے کی حمایت کی ہے۔ یوکرینی صدر ولودیمیر زیلنسکی نے امن فارمولے میں روسی فوجیوں کے مکمل انخلاء کا مطالبہ کیا ہے۔
