Raza Musani 
واشنگٹن : امریکی صدر بائیڈن نے کہا ہے کہ سعودی عرب اور صیہونی حکومت کے درمیان تعلقات معمول پر آنے میں کافی وقت لگے گا۔ امریکی صدر نے سی این این کو انٹرویو میں کہاکہ امریکی حکام دونوں ممالک کے درمیان معمول کے تعلقات کے معاہدے تک پہنچنے کے لیے مذاکرات کر رہے ہیں۔ ہم ابھی سعودی، اسرائیل تعلقات کے معاہدے سے بہت دور ہیں۔ صدر بائیڈن کا مزید کہنا تھا کہ ہمیں بات کرنے کے لیے بہت کچھ ملا ہے، سچ کہوں تو مجھے نہیں لگتا کہ انہیں اسرائیل سے کوئی زیادہ مسئلہ ہے۔ ہم خطے میں پیشرفت کررہے ہیں تاہم یہ ممالک کے طرز عمل پر منحصر ہے۔ جوبائیڈن نے کہاکہ ہم کوئی ایسا ذریعہ فراہم کریں گے جس کے ذریعے سعودی سویلین جوہری طاقت حاصل کر سکیں یا ان کی سلامتی کی ضمانت فراہم کی جائے۔
