Raza Musani 
غزہ : جنگ بندی کے باوجود غزہ پر اسرائیلی حملے اور فائرنگ سے مزید چھ فلسطینی شہید ہو گئے۔ ادھر ملبے سے بارہ لاشیں نکال کر اسپتال منتقل کردی گئیں۔ اسرائیل نے غزہ سٹی کے محلے شاف پر حملہ کیا جس میں کئی افراد زخمی بھی ہوئے۔ جبکہ مشرقی غزہ میں اسرائیلی فوج کی دو مقامات پر فائرنگ سے چار فلسطینی جان سے گئے۔
اسرائیل جنگ بندی کے بعد سے اب تک 80 خلاف ورزیاں کرچکا ہے جس میں 97 فلسطینی شہید اور تین سو سے زائد زخمی ہوچکے ہیں۔دوسری جانب حماس نے ایک اور یرغمالی کی لاش ریڈ کراس کے ذریعے اسرائیل کے حوالے کردی۔
