مصر میں حماس قیادت کو قتل کرنے کی اسرائیلی سازش بےنقاب

قاہرہ : مصر نے اپنی سرزمین پر حماس کے رہنماؤں کو قتل کرنے کی اسرائیلی سازشوں کا پردہ فاش کردیا۔
مڈل ایسٹ آئی کو مصر کے سیکیورٹی ذرائع نے بتایا کہ اسرائیل کچھ عرصے سے قاہرہ میں حماس کے رہنماؤں کو قتل کرنے کی سازش کر رہا ہے۔ گزشتہ دو سال میں جنگ بندی مذاکرات کے دوران ایک کوشش کو ناکام بنایاجاچکا ہے۔ مصری حکام نے اسرائیلی وزیر اعظم نیتن یاہو کی حماس قیادت کو کسی بھی سرزمین پر نشانہ بنانے کی دھمکیوں کے جواب میں واضح کیا کہ مصری سرزمین پر حماس کے رہنماؤں پر حملے کی کوشش کو مصر اپنی خودمختاری کی خلاف ورزی تصور کرے گا اور اسے اعلان جنگ سمجھا جائے گا۔ اور قاہرہ اس کا جواب دینے میں ہچکچاہٹ محسوس نہیں کرے گا۔