Raza Musani 
قاہرہ : مصر نے کہا ہے کہ امن کو مسترد کرنے والا اسرائیلی طرز عمل پورے خطے کو غیر معمولی خطرات میں گھسیٹ لے گا۔ گیمبیا میں اسلامی سربراہی کانفرنس کے اجلاس سے خطاب میں مصری وزیر خارجہ سامح شکری نے کہا کہ ان کا ملک غزہ پر اسرائیلی جارحیت کی سخت ترین الفاظ میں مذمت کرتا ہے ۔ اور رفح پر اسرائیلی حملے کے خلاف سخت انتباہ کرتا ہے جو کہ تقریباً پندرہ لاکھ بے گھر فلسطینیوں کی آخری پناہ گاہ ہے۔ ان کا کہنا تھا کہ مصر نے غزہ کو امداد کا سب سے بڑا حصہ فراہم کیا۔ انہوں نے مغربی کنارے اور غزہ سے فلسطینیوں کی جبری نقل مکانی کے ذریعے فلسطینی کاز کو ختم کرنے کے حربوں کے خلاف فیصلہ کن موقف اختیار کرنے پر زور دیا۔ مصری وزیر خارجہ نے کہا کہ خطے میں دیر پاامن کے حصول کے لیے مشرقی بیت المقدس اور چار جون 1967 ءکی سرحدوں پر مشتمل ایک آزاد فلسطینی ریاست کے قیام کا مطالبہ دہرایا۔
