اسرائیلی حملہ ریاستی دہشت گردی ہے، جواب دیں گے، قطر

دوحہ : قطری وزیراعظم شیخ محمد بن عبدالرحمٰن الثانی نے اسرائیلی حملے کو ریاستی دہشت گردی قرار دیتے ہوئے ان حملوں کا جواب دینے کا وعدہ کیا ہے۔ وزیراعظم شیخ محمد بن عبدالرحمن الثانی نےکہا کہ اسرائیل نے ایسے ہتھیار استعمال کیے جن کا قطر کے فضائی دفاعی ریڈار سے پتہ نہیں چلا۔ انہوں نےکہا کہ ہمیں یقین ہےکہ آج ہم ایک فیصلہ کن لمحے پر پہنچ چکے ہیں۔ اسطرح کے وحشیانہ اقدامات پر پورے خطے سے جوابی کارروائی ہونی چاہیے۔
انہوں نے کہا کہ اسرائیل امن کے لیے ہر موقع کو سبوتاژ کرنے کے لیے کام کر رہا ہے۔ بحران فیصلہ کن موڑ پر پہنچ گیا ہے۔
امریکی صدر ڈونلڈ ٹرمپ نے اسرائیل کو حملے کی منظوری دینے پر سخت تنقید کے بعد کہاہےکہ قطر پر حملے کا فیصلہ اسرائیلی وزیراعظم نیتن یاہو کا تھا میرا نہیں۔ قطر پر یکطرفہ بمباری اسرائیل یا امریکا کے مقاصد کو آگے نہیں بڑھاتی۔