Raza Musani 
نابلس: صیہونی حکومت نے مشرقی القدس کے اسکولوں کے لائسنس منسوخ کرنے چکی دھمکی دے دی۔ صہیونی وزارت تعلیم نے ہدایت کی ہے کہ یروشلم میونسپلٹی کی طرف سے تقسیم کی گئی کتابوں کو ہی پڑھایا جائے کیونکہ ان کتابوں میں اسرائیل کے خلاف اکسانے والا مواد نہیں ہے۔ نئی کتابیں فلسطینی نصاب کی کتابیں ہی ہیں لیکن ان میں سے بعض مکمل اسباق، بعض اسباق میں سے پیراگراف اور تصویریں ہٹا کر کتابوں کو دوبارہ چھاپا ہے۔ اسکولوں کو ہدایت کی گئی ہے اگر تعلیمی ادارے میں مکمل فلسطینی نصاب والی کتابیں پائی گئیں تو وزارت تعلیمی ادارے کا لائسنس منسوخ کرنے پر غور کرے گی۔ مکمل فلسطینی نصاب پڑھانے والے اسکولوں کو بند کردیا جائے گا۔ فلسطینی نصاب کے خلاف جنگ صرف القدس تک ہی محدود نہیں ہے بلکہ اسرائیل کی جانب سے مغربی کنارے اور غزہ کی پٹی میں بھی فلسطینی نصاب کو بدلنے کی کوشش کی جارہی ہے۔
