Raza Musani 
نیویارک: اقوام متحدہ کے سیکریٹری جنرل انتونیو گوتریس نے صیہونی حکومت پر زور دیا ہے کہ وہ بین الاقوامی قانون کے تحت اپنی ذمہ داریوں کی پاسداری کرے۔ انتونیو گوتریس نے جنین مہاجر کیمپ میں دو دہائیوں کے اپنے سب سے بڑے آپریشن میں اسرائیلی فوج کی جانب سے طاقت کے بے تحاشہ استعمال کی مذمت کی اور کہا کہ صیہونی فوج نے زخمیوں کو طبی امداد کے حصول اور امدادی کارکنوں کو ضرورت مندوں تک پہنچنے سے روک دیا۔ اقوام متحدہ کے سربراہ نے اسرائیل کو یاد دلایا کہ بطور قابض طاقت اس کی ذمہ داری ہے کہ وہ اس بات کو یقینی بنائے کہ شہری آبادی کو تشدد کی تمام تر کارروائیوں سے تحفظ فراہم کیا جائے۔ گوتریس نے کہا کہ پرہجوم پناہ گزین کیمپ میں اسرائیل کے فضائی حملے اور زمینی کارروائیاں سے مغربی کنارے میں کئی سالوں میں بدترین تشدد تھا جس سے عام شہری بری طرح متاثر ہوئے۔
