Raza Musani 
لندن: برطانیہ کی حکومت نے اسرائیل کو کلین چٹ دیدی ہے۔ سابق فارن سیکریٹری ڈیوڈ لیمی نے کہا ہےکہ اسرائیل غزہ میں نسل کشی کا ارتکاب نہیں کر رہا ہے ۔یکم ستمبر کو بین الاقوامی ترقیاتی کمیٹی کی سربراہ سارہ چیمپئن کے خط کے جواب میں ڈیوڈ لیمی نے لکھا تھا کہ نسل کشی کا جرم صرف اس وقت ہوتا ہے جہاں کسی قومی، نسلی یا مذہبی گروہ کو مکمل یا جزوی طور پر تباہ کرنے کا مخصوص ارادہ ہو۔ انہوں نے لکھا کہ حکومت نے یہ نتیجہ اخذ نہیں کیا کہ اسرائیل اس نیت سے کام کر رہا ہے۔ انہوں نے لکھا کہ خواتین اور بچوں سمیت شہریوں کی بڑی پیمانے پر اموات اور غزہ میں وسیع پیمانے پر تباہی انتہائی خوفناک ہے۔ اسرائیل کو اس تنازعہ کی وجہ سے ہونے والے مصائب کو روکنے اور ان کے خاتمے کے لیے بہت کچھ کرنا چاہیے۔
