اسرائیل تیزی سے عالمی تنہائی کا شکار ہورہا ہے، جرمنی کا اعتراف

برلن: اسرائیل کے بڑے سرپرست جرمنی کے وزیر خارجہ جوہان وڈے فل نے کہا ہےکہ نیویارک میں اقوام متحدہ کی کانفرنس نے یہ ظاہر ہوا ہے کہ اسرائیل تیزی سے عالمی تنہائی کا شکار ہورہا ہے۔ جرمن وزیرخارجہ نے ایک اخباری بیان میں کہاکہ مذاکرات کے ذریعے دو ریاستی حل ہی دونوں فریقوں کو امن، سلامتی اور وقار کے ساتھ رہنے اور تنازعات کو پائیدار طریقے سے حل کرنے کے قابل بنانے کا واحد راستہ ہے۔
انہوں نے کہا کہ جرمنی کے لیے، مذاکراتی عمل کے اختتام پر فلسطینی ریاست کو تسلیم کرنے کا امکان ہے۔ لیکن ایسا عمل اب شروع ہونا چاہیے۔ جرمنی اس مقصد سے انحراف نہیں کرے گا اور یکطرفہ اقدامات پر بھی مجبور ہو گا۔ انہوں نے کہا کہ مشرق وسطیٰ کا امن عمل ایک دوراہے پر ہے اور جرمنی اس مسئلے سے الگ نہیں رہ سکتا اور نہ ہی رہنا چاہیے۔ انہوں نے کہا کہ غزہ کی پٹی میں ہلاکتوں اور مصائب کی تعداد ناقابل تصور حد تک پہنچ چکی ہے۔ اسرائیل کو غزہ کی پٹی کی تباہ کن صورتحال کی روشنی میں فوری، جامع اور پائیدار امداد فراہم کرنی چاہیے۔ جرمنی مصائب کے خاتمے کے لیے مدد فراہم کرنے کے لیے پوری طرح تیار ہے۔