صحرائے سینا میں مصری فوج میں اضافے سے اسرائیل کو تشویش

قاہرہ : صحرائے سینا میں مصری فوج میں اضافے سے اسرائیل کو تشویش لاحق ہوگئی اور اس نے امریکا سے مدد مانگ لی۔
امریکی ویب سائٹ ایگزیوس نے رپورٹ دی ہے کہ نیتن یاہو نے امریکی وزیر خارجہ مارکو روبیو کے دورے میں ان سے صحرائے سینا میں مصری فوج کے اضافے پر بات کی تھی۔ اسرائیلی حکام کے مطابق مصر نے سینائی میں فوجی انفراسٹرکچر بڑھا دیا ہے ۔ معاہدے کے تحت علاقے میں صرف ہلکی نوعیت کے ہتھیار رکھنے کی اجازت ہے۔ اسرائیلی حکام نے مزید بتایا کہ مصر نے صحرائے سینا میں لڑاکا طیاروں کے لیے رن ویز تعمیر کے ہیں، اس کے علاوہ زیرِ زمین تنصیبات بھی تعمیر کی گئی ہیں جو ممکنہ طور پر میزائلوں کی ذخیرہ گاہ کے طور پر استعمال کی جاسکتی ہیں۔ نیتن یاہو نے ٹرمپ انتظامیہ سے درخواست کی ہے وہ مصر سے اس حوالے سے بات کریں۔