Raza Musani 
تل ابیب : اسرائیل اور بحرین نے زرعی شعبے میں تعاون سے متعلق ایک سمجھوتے پر دستخط کیے ہیں۔اسرائیلی حکام نے جمعرات کو اس سمجھوتے کی اطلاع دی ہے جس کے بعد 2020 میں امریکا کی سفارتی کوششوں کے تحت تعلقات قائم کرنے والے دونوں ممالک مزید قریب آجائیں گے۔صیہونی وزارت زراعت نے کہا ہے کہ اس سمجھوتے پر دستخط بحیرہ احمر کی بندرگاہ ایلات میں منعقدہ بین الاقوامی کانفرنس میں کیے گئے ہیں۔اس کانفرنس کا موضوع: غذائی تحفظ سے نمٹنے کی عالمی کوششوں کے حصے کے طور پر آبی زراعت میں جدت طرازی تھا۔
