Raza Musani 
لندن : انگلینڈ کے شہر مانچسٹر میں اسلامی مرکز پر توڑ پھوڑ کے بعد مقامی افراد میں تشویش کی لہر دوڑ گئی ہے۔ گریٹر مانچسٹر میں ایک دن قبل رات گئے سڈنی اسٹریٹ پر واقع اسلامک سینٹر کے سامنے ہنگامہ کیا گیا۔ عمارت پر نعرے لکھے گئے اور گاڑیوں میں توڑ پھوڑ گئی۔ پولیس نے ہنگامہ آرائی کے الزام میں ایک شخص کو حراست میں لے لیا ہے۔ علاقے میں پولیس کی نفری اور مساجد اور اسلامی مراکز کے ارد گرد گشت بڑھا دیا گیا ہے۔ یہ واقعات ایران میں خاتون کی زیر حراست ہلاکت پر احتجاج کے سلسلے میں پیش آئے لیکن مقامی افراد میں تشویش کی لہر دوڑ گئی ہے کہیں شرپسند عناصر اس کا فائدہ اٹھاکر لیسٹر جیسے حالات نہ پیدا کردیں۔
