Raza Musani 
راولپنڈی: شیعہ علماء کونسل پاکستان کے سربراہ علامہ سید ساجد علی نقوی نے کہا ہے کہ صورتحال کے عمیق جائزے اور بزرگ علمائے کرام سے مشورے اور تائید کے بعد یکم ربیع الاول کو اسلام آباد میں ہونے والا اجتماع ملتوی کر دیا گیا ہے۔ آفیشل سوشل میڈیا اکاؤنٹ پر جاری کردہ اپنے اعلامیہ میں انہوں نے عوام سے اپیل کی کہ متنازعہ بل پر احتجاج اور ہر قسم کے اقدام کے لئے آمادگی قائم رہے۔ گزشتہ ماہ اسلام آباد میں متنازعہ بل کیخلاف ہونے والی علماء و ذاکرین کانفرنس میں علامہ ساجد نقوی نے ملک بھر کی شیعہ عوام کو اسلام آباد آنے کی کال دی تھی۔
واضح رہے کہ صدر مملکت عارف علوی کی جانب سے متنازعہ ترمیمی بل اعتراض لگا کر واپس کردیا گیا ہے۔
