Raza Musani 
تہران : ایران نے امریکی پابندیوں کو روندتے ہوئے روس کو 40 گیس ٹربائنز برآمد کرنے کا معاہدہ کرلیا۔ ایرانی گیس انجینئرنگ اینڈ ڈیولپمنٹ کمپنی کے سی ای او رضا نوشادی نےکہا ہے کہ ان کے ملک کی صنعتی کامیابیاں صرف میزائلوں اور ڈرون کے شعبوں تک محدود نہیں ہیں اس وقت گیس کی صنعت کو درکار 85 فیصد سہولیات اور آلات اندرون ملک ہی تیار کئے جارہے ہیں۔ اسی صلاحیت کی بنیاد پر حال ہی میں روس کو ایرانی ساختہ 40 ٹربائن برآمد کرنے کا معاہدہ کیا گیا ہے۔کریملن کا کہنا ہے کہ پابندیوں نے روسی گیس کے بنیادی ڈھانچے کی مناسب دیکھ بھال متاثر ہوئی ہے۔ خاص طورپر کینیڈا میں مرمت کےمراحل سےگزرنے والی سیمنز ٹربائن کی واپسی کو روک دیا ہے۔ روس پر امریکی پابندیوں کا مقصد ماسکو کو گیس مارکیٹ سے باہر کرنا ہے۔
