Raza Musani 
تہران: ایران نے یورپی یونین اور تین یورپی ممالک کے گروپ ای تھری کے ساتھ مذاکرات جاری رکھنے پر اتفاق کیا ہے۔ ایرانی وزیر خارجہ عباس عراقچی اور یورپی یونین۔ برطانیہ، فرانس اور جرمنی کے وزرائے خارجہ کے درمیان ٹیلی فونک رابطہ ہوا۔
عباس عراقچی نے واضح کیا کہ تہران کسی بھی سفارتی حل کے لیے تیار ہے جو اس کے قومی حقوق کا تحفظ کرتا ہے۔ انہوں نے یورپ کو خبردار کیا کہ پابندیوں کے اسنیپ بیک میکانزم کو متحرک کرنے کے سنگین نتائج برآمد ہوں گے۔ انہوں نے ایک بار پھر اس بات پر زور دیا کہ یورپی ممالک کے پاس میکانزم کا سہارا لینے کا کوئی قانونی اور اخلاقی جواز نہیں ہے۔ ٹیلی فونک رابطے میں فیصلہ کیا گیا کہ جوہری پروگرام پر مذاکرات آئندہ منگل کو نائب وزرائے خارجہ کی سطح پر جاری رکھے جائیں گے۔
