Raza Musani 
تہران: ایرانی وزارت خارجہ کے ترجمان ناصر کنعانی نے کہا ہے کہ بائیڈن کے بیانات اور امریکیوں کی مداخلتیں ہمیں کبھی حیران نہیں کرسکیں گی کیونکہ مداخلت، جارحیت اور قتل امریکی نظام کی اصل فطرت ہے۔ 1953 کی بغاوت سے لے کر آج تک امریکی حکومت کی ایران مخالف پالیسیاں ہمارے ذہنوں میں اچھی طرح سے محفوظ ہیں۔ امریکا کے جرائم اور تشدد دنیا میں ہر جگہ دیکھے جا سکتے ہیں۔ کنعانی نے مزید کہا کہ بائیڈن کے پاس کوئی قابل اعتماد مشیر نہیں ہے اور نہ ہی کوئی اچھی یادداشت ہے انہیں یاد دلاتا ہوں کہ ایران امریکا کی ظالمانہ پابندیوں اور مضحکہ خیز دھمکیوں کے سامنے بہت مضبوط اور ثابت قدم ہے۔ کنعانی نے امریکی سیاست دانوں کو مخاطب کرتے ہوئے کہا کہ گدلے پانی میں مچھلیاں پکڑنا آپ کی عادت ہے۔ تاہم ذہن میں رکھیں کہ ایران قابل فخر مردوں اور خواتین کی سرزمین ہے۔ اپنی مادر وطن میں ہم مل کر بات کرتے ہیں، ہم ایران کے چھوٹے بڑے زخموں پر مرہم رکھنے کی کوشش کریں گے اور ایران کی آزادی کے لیے کھڑے ہوں گے ۔ یقیناً آپ کی ناکامیوں کے انبار میں ایک اور ناکامی کا اضافہ ہو گا۔
