Raza Musani 
سرینگر: مقبوضہ جموں و کشمیر میں قابض فوج نے ریاستی دہشت گردی کا مظاہرہ کرتے ہوئے مزید دو نوجوان شہید کردئے۔ فوج نے ضلع کپواڑہ میں محاصرے اور تلاشی کی پرتشدد کارروائی کے دوران دونوں کو شہید کیا۔ پولیس نے دعویٰ کیا ہے کہ شہید ہونے والے نوجوان عسکریت پسند تھے جنہیں مقابلے کے دوران شہید کیا گیا۔ یاد رہے کہ ہندوستانی وزیرداخلہ امیت شاہ 30 ستمبر سے جموں و کشمیر کا دورہ کریں گے۔ وہ سرینگر اور جموں میں اہم اجلاسوں کی صدارت کریں گے۔ تاکہ اپنی تشدد پسند مسلح فورسز کی کشمیر دشمن کارروائیوں پر پیشرفت کا جائزہ لے سکیں۔۔دوسری جانب راجستھان پولیس نےکشمیر کے ضلع پونچھ سے تعلق رکھنےوالے دو نوجوانوں کو گرفتار کرلیا۔ جمیل اقبال اور معروف حسین کو ضلع جیسلمیر سے گرفتار کیاگیا۔
