Raza Musani 
بھوپال : بھارت میں مذہبی انتہاپسندی کا ایک اور واقعہ سامنے آگیا جس میں اس بار بچے کو نشانہ بنانے کی کوشش کی گئی۔ ریاست مدھیا پردیش میں 10 سالہ مسلمان بچے کو جے شری رام کا نعرہ لگانے پر مجبور کیا گیا جس کے انکار پر بچے پر بہیمانہ تشدد کیا گیا۔ بچے کے والدین کی شکایت پر پولیس نے مقدمہ درج کرلیا ہے۔ 10 سالہ بچے کو ٹیوشن جاتے ہوئے راستے میں ایک شخص نے روک کر نعرہ لگانے پر مجبور کیا۔ 5 ویں جماعت کے طالب علم نے بات نا مانی تو اس پر بدترین تشدد کیا گیا۔گزشتہ سال بھی ریاست مدھیا پردیش میں ایک مسلمان شخص کو اسی طرح کا نعرہ لگانے پر مجبور کیا گیا تھا جسے انکار پر تشدد کا نشانہ بنایا گیا تھا۔
