بھارت ملک میں فرقہ وارانہ فسادات کی سازش کررہا ہے، طاہر اشرفی

لاہور : معاون خصوصی طاہر محمود اشرفی نے کہا ہے کہ ضرورت اس امر کی ہے کہ پاکستان کو اس راستے پر ڈالا جائے جو قائداعظم نے دیا، پاکستان کی اساس کلمہ طیبہ ہے کیا ملک میں انصاف نہ ملنے کےلئے بنایاگیا، اسلامی نظام کی بنیاد پر پاکستان بنایاگیا لیکن بدقسمتی ہے ملک میں پچیس نظام تعلیم ہیں، نصاب میں قائد اعظم یا علامہ اقبال کا نہیں بلکہ انگریزوں اور ان کے موسیقار کے نام شامل ہیں، پانچویں کلاس تک یکساں نظام تعلیم میں اسلام ،پاکستان کی اساس و نظریہ ملے گا، انہوں نے کہا کہ پاکستان کو قائد اعظم کے افکار پر چلانے کےلئے یکساں نظام تعلیم دینا ہوگا، ملک میں نظریہ پاکستان کے خلاف کوئی مواد نہیں پڑھانے دیاجائےگا جہاں کوئی کمی ہوگی تو اسے پوراکریں گے، بھارت افغانستان میں ناکام ہوگیا ہے اور اب فرقہ وارانہ فسادات و تخریب کاری کی کوشش میں ہے تاکہ الزام افغانستان پر جائے لیکن ایسا نہیں ہونے دیں گے۔