Raza Musani 
بنگلورو : ہندوستانی صوبے کرناٹک میں انتہاپسند ہندو تنظیموں نے مسلمانوں کو معاشی نقصان پہنچانے کے لئے ایک مہم شروع کی ہے جس میں لوگوں پر زور دیا جارہا ہے کہ وہ دیوالی کے تہوار کے موقع پر حلال چیزوں کا بائیکاٹ کریں۔ یہ تنظیمیں مسلمانوں کو نقصان پہنچانے کے لئے سند یافتہ حلال چیزوں پر پابندی کے لیے بھی تحریک چلا رہی ہیں۔انتہا پسند ہندو تنظیم ہندو جن جاگرتی سمیتی کے ریاستی ترجمان موہن گوڑا نے اعلان کیا ہے کہ دیوالی کے موقع پر حلال کے خلاف تحریک جاری رہے گی۔ تحریک کے تحت لوگوں سے کہا جا رہا ہے کہ وہ مسلمانوں سے پٹاخے، تہوار کی مصنوعات اور حلال گوشت خریدنے سے گریز کریں۔ہندو جن جاگرتی سمیتی نے 16 اکتوبر کو ایک اینٹی حلال کنونشن کا انعقاد کیا اور عوام پر زوردیاکہ وہ کوئی بھی سند یافتہ حلال چیز نہ خریدیں۔
