Raza Musani 
بنگلورو : ہندوستانی اپوزیشن جماعتوں نے لوک سبھا الیکشن میں ہندو انتہا پرست بی جے پی کے مقابل انڈیا کے نام سے اتحاد قائم کرلیا۔ بنگلورو میں چھبیس اپوزیشن جماعتوں کا اجلاس دو دن جاری رہا جس میں کانگریس ۔ ٹی ایم سی۔ عام آدمی پارٹی۔ سماج وادی پارٹی۔ اور مختلف علاقائی اور قومی جماعتیں شریک ہوئیں۔ اجلاس میں سیٹوں کی تقسیم اور انتخابات کے لئے مشترکہ پروگرام پر تبادلہ خیال کیا گیا۔ جبکہ گرینڈ الائنس کے قیام پر اتفاق کیا گیا جس کا نام انڈین نیشنل ڈیولپمنٹل انکلوسیو الائنس ہوگا جس کا مخفف انڈیا بنتا ہے۔ اپوزیشن جماعتوں کی تیسری میٹنگ ممبئی میں ہوگی۔ کانگریس کے صدر ملکارجن کھرگے نے میٹنگ کے بعد ایک پریس کانفرنس میں کہا کہ ہم جمہوریت کو بچانے کے لیے اپنے سیاسی اختلافات ایک طرف رکھ رہے ہیں۔انہوں نےکہاکہ اجلاس کا مقصد اقتدار حاصل کرنا نہیں۔ یہ جمہوریت، سیکولرازم اور سماجی انصاف کے تحفظ کے لیے ہے۔
