Raza Musani 
نئی دہلی: ہندوستان میں واٹس ایپ نے تین ماہ کے دوران نفرت انگیز اور نقصان دہ سرگرمیوں میں ملوث 67 لاکھ سے زائد اکاؤنٹس بند کردئے۔ میٹا کمپنی کی ملکیت واٹس ایپ کے مطابق اکاؤنٹس کو نئے آئی ٹی قوانین کی خلاف ورزی پر بند کیا گیا۔واٹس ایپ کا کہنا ہے کہ اسے اگست میں ہندوستان سے 598 شکایات موصول ہوئی تھیں اور 27 ریکارڈ پر کارروائی کی گئی۔اگست میں مجموعی طور پر ہندوستان کے 23 لاکھ 28 ہزار اکاؤنٹس بند کردئے۔ جس میں سے دس لاکھ 8ہزار پر پہلے ہی پابندی عائد کردی گئی تھی ۔میٹا کمپنی کے مطابق گزشتہ برسوں کے دوران مسلسل آرٹیفیشیل انٹلیجنس اور دیگر عصری ٹیکنالوجی میں سرمایہ کاری کی ہے تاکہ صارفین کو اپنے پلیٹ فارم پر محفوظ رکھ سکیں۔ جولائی میں بھی 23لاکھ اور جون میں 22 لاکھ اکاؤنٹس بند کئے گئے تھے۔
