Raza Musani 
کیف : روس کو مبینہ ڈرون ٹیکنالوجی دینے کے جواب میں یوکرین نے ایرانی طلباء کو ملک بدر کرنا شروع کر دیا ہے۔ کیف میں زیر تعلیم ایرانی طلبا نے بتایا کہ امیگریشن حکام نے ان کے ویزوں میں توسیع سے انکار کردیا ہے۔ امیگریشن افسران غصے کا برتاؤ کررہے ہیں۔ ان کا کہنا ہے کہ آپ کا ملک روسیوں کو تربیت دینے کے لیے ڈرون اور فوجی افسران بھیجتا ہے آپ کے ویزوں میں توسیع نہیں کی جائے گی۔ آپ کو اپنی حکومت کی سرگرمیوں کے لئے ذمہ دار ہونا چاہئے۔ ایرانی سفارتخانے نے طلباء سے معذرت کی اور کہا کہ وہ کچھ نہیں کر سکتے۔انہوں نے مزید کہا کہ ہمیں یوکرین کے امیگریشن حکام نے 10 دن کے اندر ملک چھوڑنے کے لیے کہا تھا۔ متعدد طلبہ کو قومی سلامتی کے محکمے میں لے جا کر پوچھ گچھ بھی کی گئی۔
