عمران خان نے ایم ڈبلیو ایم کے پلیٹ فارم سے الیکشن لڑنے کا فیصلہ کیا تھا، ناصر شیرازی

اسلام آباد : پاکستان تحریک انصاف کی اتحادی جماعت ایم ڈبلیو ایم نے مخصوص نشستوں کے حوالے سے غلطیوں کی نشاندہی کردی۔ سیکرٹری جنرل ناصر عباس شیرازی نے نجی ٹی وی سے گفتگو میں کہا کہ بانی چیئرمین عمران خان نے مجلس وحدت مسلمین کے پلیٹ فارم کے ذریعہ الیکشن میں اترنے کا فیصلہ کیا گیا تھا۔ الیکشن کے بعد بھی فیصلہ کیا کہ مجلس میں شامل ہوجائیں لیکن بعض وجوہات کی بناء پر بعض رہنماؤں نے اس سے اختلاف کیا۔ اگر پی ٹی آئی قیادت تذبذب کا شکار نہ ہوتی تو مخصوص نشستوں کے معاملے پر بڑا نقصان نہ ہوتا۔ انہوں نے کہا کہ اب پی ٹی آئی کے بعض اہم رہنما اس فیصلے پر پچھتاوے کا شکار ہیں.
مجلس وحدت مسلمین کا کام ہی اتحاد کا ہے مگر امکان ہے بعض اتحادیوں نے الگ انداز سے دیکھنے کی کوشش کی۔ انہوں نے مخصوص نشستوں سے متعلق فیصلہ انصاف کا قتل قرار دیا۔