Raza Musani 
برسلز : ہندوستان میں انسانی حقوق کی خلاف ورزیوں پر یورپی پارلیمنٹ میں قرارداد منظور کرلی گئی۔ یورپی پارلیمنٹ میں منظور کی گئی قرارداد میں ہندوستان میں نسلی اور مذہبی تشدد کی مذمت کی گئی اور ہندوستانی حکومت پرزور دیا گیا ہے کہ وہ تمام اقلیتوں کو تحفظ فراہم کرے۔ اقلیتوں کے ساتھ عدم برداشت نے منی پور کے نسلی فسادات میں اہم کردار ادا کیا۔ ہندو اکثریت پسندی کو بڑھاوا دینے والی تفرقہ انگیز پالیسیوں اور سیاسی حوصلہ افزائی پر تشویش ہے۔ قرار داد میں کہا گیا کہ منی پور میں حکومت نے انٹرنیٹ بند کیا اور میڈیا رپورٹنگ میں شدید رکاوٹیں ڈالیں۔ ہندوستانی حکام منی پور میں پُرتشدد صورتحال کی آزادانہ تحقیقات کی اجازت دیں۔ حکام نسلی اور مذہبی تشدد روکیں اور تمام مذہبی اقلیتوں کو تحفظ فراہم کریں۔
