Raza Musani 
احمد آباد : ہندوستان کے صوبے گجرات میں ہندو توا عناصر کی شرانگیزی فرقہ وارانہ تصادم میں بدل گئی۔ گجرات کے شہر وڈودرا کے علاقے پانی گیٹ میں دیوالی کی شب شرانگیزوں نے نشاندہی کرکے مسلمانوں کے گھروں کے سامنے پٹاخے پھوڑے۔ دونوں گروپوں میں تلخ کلامی تصادم میں بدل گئی۔دونوں جانب سے ایک دوسرے پر پتھراؤ کیا گیا۔ پولیس کے پہنچنے پر ہندو توا عناصر نے اس پر پٹرول بم پھینکے اورکئی گاڑیوں کو آگ لگادی۔ ہندو توا عناصر نے مسلم میڈیکل سینٹر پر بھی پتھراؤ کیا۔ پولیس کا کہنا ہے کہ تصام سے قبل اسٹریٹ لائٹ کاٹ دی گئی تھی۔ پولیس نے چھاپے مار کر 25 افراد کو حراست میں لے لیا ہے۔ شہر میں 3 اکتوبر کو بھی عید میلاد النبی(ص) کا جھنڈا لگانے کے بعد جھگڑا ہوا تھا۔
