اسلحے پر ریاستی اجارہ داری کا دباؤ گناہ کبیرہ ہے، حزب اللہ

بیروت : حزب اللہ نے اسلحے پر ریاستی اجارہ داری کے لیے لبنانی حکومت کے دباؤ کو گناہ کبیرہ قرار دیکر مسترد کردیا۔ حزب اللہ نے ایک تحریری بیان میں کہا کہ یہ اقدام امریکی احکامات کا نتیجہ ہے اور وہ اس کے ساتھ ایسے نمٹے گی جیسے اس کا کوئی وجود ہی نہیں ہے۔ بیان میں کہا گیاہے کہ وزیراعظم نواف سلام کی حکومت نے اسرائیلی دشمن کے خلاف مزاحمت کرنے والی حزب اللہ سے ہتھیار چھیننے کا فیصلہ کر کے گناہ کبیرہ کا ارتکاب کیا۔ یہ فیصلہ مکمل طور پر اسرائیل کے مفاد میں کیا گیا ہے۔
گذشتہ روز وزیر اعظم نواف سلام نے کابینہ کے اجلاس کے بعد حکم نامے کی توثیق کرتے ہوئے کہا تھا کہ ہتھیاروں کے قبضے پر اجارہ داری قائم کرنا ریاست کا فرض ہے۔