Raza Musani 
غزہ : صیہونی فوج نے غزہ سٹی پر شدید حملے کئے ہیں۔ جس میں خواتین اور بچوں سمیت مزید باون فلسطینی شہید ہوگئے۔
صیہونی فوج نے غزہ سٹی میں بلند عمارتوں کی تباہی کا سلسلہ جاری رکھا ہوا ہے غزہ سٹی پر قبضے کی تازہ مہم میں مسمار کی گئی عمارتوں کی تعداد کم از کم 50 ہو گئی ہے۔ صیہونی فوج نے چوبیس گھنٹوں کے دوران غزہ پر حملوں میں چونسٹھ فلسطینی شہید کردئے۔ باون شہادتیں صرف غزہ سٹی میں ہوئیں۔ وسطی غزہ میں چار اور جنوبی حصے میں آٹھ افراد شہید کئےگئے۔
شہادتوں کی مجموعی تعداد چونسٹھ ہزار تین سو اڑسٹھ ہوگئی ہے۔ ادھر صیہونی وزیراعظم نیتن یاہو نے دعویٰ کیا ہےکہ غزہ سٹی پر تازہ حملوں کے بعد اب تک ایک لاکھ افراد شہر چھوڑ کر جاچکے ہیں۔
