Raza Musani 
غزہ: سینکڑوں فلسطینیوں کے قتل میں ملوث متنازع غزہ ہیومینٹرین فاؤنڈیشن جی ایچ ایف نے غزہ میں اپنے نام نہاد مشن کے خاتمے کا اعلان کر دیا۔
امریکہ اور اسرائیل کی حمایت یافتہ جی ایچ ایف نے اعلان کیا ہے کہ غزہ میں اس کا مشن نو ماہ بعد مکمل ہو گیا ہے۔ تنظیم کے ایگزیکٹو ڈائریکٹر جون اَکری نے کہا کہ تنظیم نے اپنا مقصد حاصل کر لیا ہے اس نے غزہ کے شہریوں تک اٹھارہ کروڑ 70 لاکھ سے زائد مفت کھانے پہنچائے۔
واضح رہے کہ جی ایچ ایف کے مراکز کے اطراف میں کم از کم 859 فلسطینی شہید ہوئے۔ حماس نے جی ایچ ایف کے غزہ سے انخلا پر کہا ہےکہ ایک غیر قانونی اور غیر انسانی ادارہ اسی انجام کا مستحق تھا۔ ادارے کی بندش کو فلسطینی عوام اسرائیلی قابض منصوبے کی ناکامی کی علامت قرار دے رہے ہیں۔ جی ایچ ایف کے مراکز نے ہزاروں امداد کے متلاشی فلسطینیوں کے لیے قتل گاہوں کا کردار ادا کیا۔
