جنگ بندی کے باوجود غزہ میں نسل کشی جاری ہے، ایمنسٹی

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌لندن : ایمنسٹی انٹرنیشنل کا کہنا ہے کہ جنگ بندی کے دوسرے ماہ میں داخل ہونے کے باوجود غزہ میں فلسطینیوں کی نسل کشی بند نہیں ہوئی۔
ایمنسٹی انٹرنیشنل کی سیکریٹری جنرل اگنیس کالمارڈ نے کہا کہ اب تک اس بات کا کوئی اشارہ نہیں ملا ہے کہ اسرائیل اپنے جرائم کے مہلک اثرات کو ختم کرنے کے لیے سنجیدہ اقدامات کر رہا ہے اور اس کا ارادہ تبدیل ہوا ہے۔ انہوں نے کہا کہ درحقیقت اسرائیلی حکام اپنی بے رحم پالیسیوں کو جاری رکھے ہوئے ہیں، اہم انسانی امداد اور ضروری خدمات تک رسائی کو محدود کر رہے ہیں۔ اور غزہ میں فلسطینیوں کو جسمانی طور پر تباہ کرنے کے لیے جان بوجھ کر شرائط عائد کر رہے ہیں۔‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ کالمارڈ نے کہا کہ عالمی برادری کو غزہ کے حالات پر گہری نظر رکھنی چاہیے تاکہ جھوٹے سکون کے پردے میں ہونے والی زیادتیوں کو نظرانداز نہ کیا جائے۔