Raza Musani 
غزہ : غزہ کی حکمراں جماعت حماس نے پانچ فلسطینیوں کو پھانسی دے دی۔ حماس نے جن فلسطینیوں کو پھانسی دی ان میں سے دو پر 2009 اور 2015 میں اسرائیل کے لیے جاسوسی کا الزام عائد تھا۔ غزہ کی وزارت داخلہ کے بیان میں سزا پانے والے کسی شخص کا بھی مکمل نام نہیں بتایا گیا بلکہ کہا گیا کہ دیگر تینوں افراد کو قتل کا مجرم قرار دیا گیا تھا۔ بیان میں کہا گیا کہ سزا یافتہ دو جاسوس، جن کی عمریں 44 اور 54 سال تھیں، نے اسرائیل کو ایسی معلومات فراہم کی تھیں جو فلسطینیوں کے قتل کا باعث بنیں۔ بیان میں کہا گیا کہ تمام سزا یافتہ افراد کو اپنے دفاع کے مکمل حقوق ملنے کے بعد حتمی فیصلہ کیا گیا جن پر عمل درآمد لازمی تھا۔
