Raza Musani 
کراچی : پاکستان بھر میں بزرگ حریت رہنما سید علی گیلانی کی غائبانہ نماز جنازہ ادا کی گئی، اسلام آباد میں پارلیمنٹ ہاؤس کے سبزہ زار پر نماز جنازہ میں صدرعارف علوی، چیئرمین سینٹ صادق سنجرانی، چئیرمین کشمیر کمیٹی شہریار خان آفریدی، وفاقی وزرا، ارکان پارلیمنٹ سمیت وزیراعظم آزاد کشمیر عبدالقیوم نیازی نے بھی شرکت کی، جب کہ نماز جنازہ میں صدر آزاد کشمیر بیرسٹر سلطان محمود اور وزیراعلی گلگت بلتستان خالد خورشید بھی شریک ہوئے، شرکا نے مرحوم حریت رہنما کو زبردست خراج تحسین پیش کیا اور ان کی مغفرت کی دعا کی، تحریک انصاف کی جانب سے پی ٹی آئی سینٹرل پنجاب کے دفتر میں حریت رہنما سید علی گیلانی کی غائبانہ نماز جنازہ ادا کی گئی، نماز جنازہ سینیٹر اعجاز چودھری نے پڑھائی ، جماعت اسلامی کی جانب سے ملک کے مختلف مقامات پر حریت رہنما کی غائبانہ نمازجنازہ ادا کی گئی، امیر جماعت اسلامی سراج الحق کی اقتدا میں منصورہ لاہور میں ہونے والے نماز جنازہ میں درجنوں افراد نے شرکت کی، سراج الحق کا کہنا تھا کہ دنیا میں کوئی کرنسی ایسی نہیں تھی جس سے سید علی گیلانی کو خریدا جاتا، حکومت پاکستان اپنی ذمہ داری ادا کرے اور سید علی گیلانی کی لاش نہ دینے پر سراپا احتجاج بن جائے۔
